Dekabrın 13-də "Sərhədçi” İdman Olimpiya Mərkəzində böyüklər arasında sərbəst və yunan-Roma güləşi üzrə Azərbaycan çempionatına start verilib.
Çempionatın açılış mərasimində çıxış edən gənclər və idman nazirinin müavini İsmayıl İsmayılov və Azərbaycan Güləş Federasiyasının (AGF) baş katibi Əjdər Cəfərov ölkəmizdə idmanın inkişafından, bütün sahələrdə olduğu kimi idmana və idmançılara dövlət qayğısından danışıblar. Natiqlər 2014-cü ildə güləşçilərin qazandıqları nailiyyətləri yüksək qiymətləndirərək, onları 2015-ci ildə məsuliyyətli bir sınaq gözlədiyini bildiriblər.
Dekabrın 15-dək davam edəcək yarışın ilk günü sərbəst güləşçilər arasında 57 kq, 61 kq, 65 kq, 70 kq, 74 kq çəki dərəcələrində idmançılar mübarizə aparıblar.
Yarışın birinci günündə gərgin idman mübarizəsi şəraitində keçən yarışda Yaşar Əliyev (57 kq), Cəlal Süleymanov (61 kq), Məhəmməd Müslümov (65 kq), Ruslan Dibirhacıyev (70 kq) və Cəbrayıl Həsənov (74 kq) fəxri kürsünün ən yüksək pilləsinə qalxıblar.
Yarışlar Dünya Güləş Birliyinin qaydalarına əsasən keçirilir və Azərbaycan Güləş Federasiyası Hakimlər Kollegiyasının təyin etdiyi hakimlər tərəfindən idarə olunur. Bununla yanaşı, görüşlərin obyektiv və ədalətlə idarə olunması məqsədilə Dünya Güləş Birliyinin beynəlxalq dərəcəli hakimlərinin də köməyindən istifadə olunur. Azərbaycan çempionatında ədaləti qorumaq üçün 10-a yaxın beynəlxalq dərəcəli hakim ölkəmizə dəvət edilib.
Çəki dərəcələri üzrə ilk 3 yeri tutan idmançılar Azərbaycan Güləş Federasiyası tərəfindən diplom, medal və pul mükafatı ilə təltif olunub və yığma komandanın heyətinə cəlb ediliblər.
57 kq
FİNAL - Yaşar Əliyev - Mircəlal Həsənzadə 4:3
Bürünc medal görüşü - Etibar Hacıyev - Pərviz İbrahimov 2*:2
Bürünc medal görüşü - Eldəniz Əzizli - Mahmud Məhəmmədov 0:10
61 kq
FİNAL - Ruhlan Məmmədov - Cəlal Süleymanov 2:5
Bürünc medal görüşü - Kamran Fəttayev - Əhmədnəbi Qvarzatilov 0:6
Bürünc medal görüşü - Elçin Vəliyev - Qalib Əliyev 2:12
65 kq
FİNAL - Məhəmməd Müslümov - Ağahüseyn Mustafayev 6:2
Bürünc medal görüşü - Coşqun Əzimov - Teymur Məmmədov 6:2
Bürünc medal görüşü - Hüseyn Şahbanov - Gitinomaqomed Hacıyev -:+ (zədə)
70 kq
FİNAL - Murad Süleymanov - Ruslan Dibirhacıyev 4:4*
Bürünc medal görüşü - Emin Əzizov - Hacımurad Ömərov 2:4
Bürünc medal görüşü - Asif Əliyev - Kamran Yunusov 0:10
74 kq
FİNAL - Əşrəf Əliyev - Cəbrayıl Həsənov 4:6
Bürünc medal görüşü - Zaur Ələkbərov - Mircəfər Murtuzlu 0:4
Bürünc medal görüşü - Fərman Həsənov - Kənan Əliyev 1:7
jpeg-1736407840.jpeg)
