Estoniyanın Tartu şəhərində yekunlaşan bədii gimnastika üzrə "Miss Valentine” adlı beynəlxalq turnirdə idmançılarımız 5 qızıl, 5 gümüş və 2 bürünc medal qazanıblar.
Yeniyetmə gimnastımız Jalə Piriyeva dörd çıxışın nəticəsinə görə, həmçinin ayrı-ayrı alətlərdə (halqa, top və gürzlərlə) 4 qızıl medala sahib olub.
Böyüklər kateqoriyasında çıxış edən gimnast Marina Durunda da gürzlərlə hərəkətlərdə qızıl medal əldə edib. Bundan əlavə o, ümumi hesaba çoxnövçülük və halqa ilə hərəkətlərdə 2 gümüş medal, həmçinin lent və top ilə hərəkətlərdə isə 2 bürünc medal qazanıb.
Böyüklərdən ibarət qrup hərəkətlərində komandamız 3 gümüş medal əldə edib.
Moskvada "Qran-pri” yarışlarında çıxış edən gimnastımız G.Şəfizadə 4 çıxışın nəticəsinə görə 7-ci yerdə qərarlaşıb, həmçinin top və lent ilə yarışlarda finala çıxmağa müvəffəq olub. Onunla paralel gedən beynəlxalq yarışda çıxış edən Ayşən Bayramova isə 7-ci yerdə qərarlaşıb.
