Milli Gimnastika Arenasında test-turniri xarakteri daşıyan gimnastika növləri üzrə birgə açıq Azərbaycan çempionatının çoxnövçülük üzrə qalibləri bəlli olub.
Qadınlar arasında keçirilən yarışlarda qızıl medalın sahibi Azərbaycan təmsilçisi Kristina Pravdina olub. Tutya Yilmaz gümüş, Demet Mutlu (hər ikisi Türkiyə) isə bürünc medala layiq görülüblər.
Kişilər arasında birinci yeri Oleq Depkov, ikinci yeri Petro Paxyu (hər ikisi Azərbaycan), üçüncü yeri isə Filipp Ott (Xorvatiya) tutub.
Qeyd edək ki, martın 6-dək davam edəcək açıq Azərbaycan çempionatında 22 ölkədən 133 idmançı qüvvəsini sınayır.
