ABŞ-ın Los-Anceles şəhərində keçirilən sərbəst güləş üzrə Dünya kuboku yarışları başa çatıb.
Yarışda Azərbaycan komandası ilə yanaşı, Türkiyə, Rusiya, Kuba, ABŞ, Monqolustan, İran və Belarus yığmaları da mübarizə aparıblar. Azərbaycan güləşçiləri Türkiyə, İran və Belarus komandaları ilə "B” qrupunda qüvvələrini sınayıblar. "A” qrupunda isə Rusiya, Kuba, ABŞ və Monqolustan komandaları yarışıblar.
Güləşçilərimiz əvvəlcə Türkiyə komandasını 7:1, sonra isə Belarus yığmasını 6:2 hesabı ilə məğlub ediblər. Qrupun son görüşündə İran komandası ilə qarşılaşan yığmamız öz qrupunda 2-ci olub. Digər qrupun ikincisi Rusiya yığması ilə 3-cü yer uğrunda həlledici görüşə çıxan güləşçilərimiz görüşü 4:4 hesabı ilə başa çatdırıblar. Bərabərlik qeydə alınsa da, xal hesabı ilə Rusiyadan üstün olan yığmamız Dünya kubokunun bürünc medalına sahib olub.
jpeg-1736407840.jpeg)
