Avropa Oyunlarında güləş yarışları davam edir.
Olimpnews.az xəbər verir ki, yarışların üçüncü yarış günündə 48 kq, 55 kq, 60 kq və 69 kq çəki dərəcəsində qadın güləşçilər mübarizə aparırlar.
48 kq çəki dərəcəsində mübarizə aparan təmsilçimiz Mariya Stadnik final görüşündə Bolqarıstan idmançısı Elitsa Yankovaya qalib gələrək ölkəmizə yeddinci qızıl medalı qazandırıb. London-2012 Olimpiya Oyunlarının gümüş mükafatçısı, Avropa və dünya çempionu olan idmançımız finalda rəqibinə böyük hesabla – 12:1 hesabı ilə qalib gələrək final görüşünü vaxtından əvvəl başa vurub.
Fəxri kürsünün ən yüksək pilləsinə qalxan Avropa Oyunlarının çempionuna qızıl medalı Bakı-2015 Avropa Oyunları Təşkilat Komitəsinin sədri Mehriban Əliyeva təqdim edib.
jpeg-1736407840.jpeg)
