Güləşçimiz Coşqun Əzimov Dağıstanın Kaspiysk şəhərində (Rusiya) beşqat dünya çempionu Əli Əliyevin xatirəsinə həsr olunmuş sərbəst güləş üzrə ənənəvi beynəlxalq turnirdə qızıl medala layiq görülüb. O, ölkəmizi bu yarışlarda 65 kq çəki dərəcəsində təmsil edib. Bütün rəqiblərindən üstün olan gənc güləşimiz həlledici görüşdə Rusiya təmsilçisi Əlibəyhacı Əmiyevə də qalib gələrək turnirin qızıl medalına sahib olub.
Yığmamızın üzvləri Ruslan Qasımov (57 kq), Ağahüseyn Mustafayev, Qalib Əliyev (hər ikisi 61 kq) və Məhəmmədhacı Muxutov (74 kq) bürünc medal uğrunda görüşdə uduzaraq turniri 5-ci sırada tamamlayıblar. Görüşlərin idarə edilməsində ölkəmizi beynəlxalq dərəcəli hakim Natiq Hacıyev təmsil edib.
jpeg-1736407840.jpeg)
