Bakıda keçirilən birinci Avropa Oyunlarından sonra bədii gimnastika üzrə Azərbaycan yığma komandası Polşanın Qdansk şəhərində təşkil olunan "Baltic Cup” adlı beynəlxalq yarışda qüvvəsini sınayıb. Qızlarımız bu yarışda uğurla çıxış ediblər. Komandanın lideri Marina Durunda top və gürzlərlə çıxışına görə qızıl medal, çoxnövçülükdə isə gümüş medal əldə edib.
Digər idmançımız Gülsüm Şəfizadə isə Baltik dənizinin sahillərindən medallarla qayıdıb. O, halqa və lentlə çıxışlarına görə müvafiq olaraq, gümüş və bürünc medal qazanıb.
Yarışda Azərbaycanı təmsil edən digər gimnastımız Zeynep Celep dörd çıxışının nəticələrinə görə səkkizinci yeri tutub.
