Oktyabrın 2-də Milli Gimnastika Arenasında kişilər və qadınlar arasında idman gimnastikası üzrə 22-ci Bakı çempionatı və birinciliyinə start verilib.
Kişilər arasında idman gimnastikası üzrə yarışlarda Bakı Gimnastika Məktəbi, "Ocaq” İdman Klubu, Respublika Olimpiya İdman Liseyinin gimnastları, həmçinin Sumqayıt və Balakən təmsilçiləri iştirak edirlər.
Qadın idman gimnastikası üzrə yarışlarda Bakı Gimnastika Məktəbi, "Ocaq” İdman Klubu və "Neftçı” klublarının təmsilçiləri qüvvələrini sınayacaqlar. Yarış iştirakçıları çoxnövçülükdə mübarizə aparırlar.
İki gün ərzində keçiriləcək yarışlarda Bakı-2015 Avropa Oyunlarının beş qat mükafatçısı, Avropa Oyunlarının çempionu Oleq Stepko, Avropa Oyunlarının komanda hesabında bürünc mükafatçısı Petro Paxnyuk də çıxış edəcək.
