Estoniyanın Kohtla-Yarve şəhərində keçirilən aerobika gimnastikası üzrə açıq kubok başa çatıb. Yarış Portuqaliyanın Elvas şəhərində təşkil olunacaq Avropa çempionatına sınaq xarakteri daşıyır.
Azərbaycanın aerobika gimnastikası üzrə yığma komandasının üzvləri açıq kubokda belaruslu idmançılarla yarışıblar.
İdmançılarımız 3 kateqoriya - fərdi, cütlük və qrup üzrə Belarus gimnastlarını qabaqlayaraq kuboka layiq görülüblər. Qrup komandasında ölkəmizi Estoniyada Vladimir Dolmatov, Vera Bosıx, Aynur Cabbarlı, Elçin Məmmədov və Timur Ələkbərov təmsil ediblər. Fərdi proqramda komandamızın şərəfini qoruyan Vladimir Dolmatov cütlərin yarışında Vera Bosıxla birgə çıxış edib.
