Danimarkada Rio-2016 Yay Olimpiya Oyunlarına seçim xarakteri daşıyan batut, iki hissəli mini-tramp və akrobatik cığır üzərində tullanma üzrə dünya çempionatı start götürüb.
Batut, iki hissəli mini-tramp və akrobatik cığır üzərində tullanma yarışlarında 12 dəst mükafat oynanılacaq. Rio-2016 Olimpiadasına lisenziya verən fərdi və komanda yarışlarında 16 gimnast (8 kişi, 8 qadın) qüvvəsini sınayacaq. Bir ölkədən ancaq 2 namizəd keçə bilər.
Batut üzərində tullanma yarışlarında ölkəmizi İlya Qrişunin, Oleq Piunov, Dmitri Fedorovski, Ruslan Ağamirov, Mixail Malkin, Svetlana Makştarova və Sabina Zaytseva təmsil edəcəklər. Qaliblərin adı noyabrın 29-da bəlli olacaq.
Hakimlər heyətində Azərbaycanı Adil Hüseynzadə təmsil edəcək.
