Noyabrın 27-dən 29-dək Bakıda ümummilli lider Heydər Əliyevin xatirəsinə həsr olunmuş Qızıl Qran-pri beynəlxalq güləş turnirinin final mərhələsi keçiriləcək. Bakı İdman Sarayında təşkil ediləcək turnirdə dünyanın 41 ölkəsindən 450-ə yaxın ən güclü pəhləvanları mübarizə aparacaqlar.
Turnirin proqramına əsasən, yarışların ilk günündə sərbəst güləşçilər qüvvələrini sınayacaqlar. Noyabrın 28-də qadın, 29-da isə yunan-Roma güləşi üzrə qaliblər müəyyənləşəcək.
Sərbəst güləş yarışlarında 21 idmançımız döşək üzərinə çıxacaq. Ölkəmizi bu turnirdə Mahir Əmiraslanov, Yaşar Əliyev, Ruslan Qasımov, Pərviz İbrahimov (hamısı 57 kq), Hacı Əliyev, Əhmədnəbi Qvarzatilov, Qalib Əliyev (hamısı 61 kq), Məhəmməd Müslümov, Teymur Məmmədov, Ağahüseyn Mustafayev (hamısı 65 kq), Toğrul Əsgərov, Hacımurad Ömərov (hər ikisi 70 kq), Cəbrayıl Həsənov, Əşrəf Əliyev, Murad Süleymanov, Məhəmmədhacı Muxutov (hamısı 74 kq), Nurməhəmməd Hacıyev, Aleksandr Qostiyev (hər ikisi 86 kq), Şərif Şərifov, Aslanbek Alborov (hər ikisi 97 kq) və Cəmaləddin Məhəmmədov təmsil edəcək.
Qadın güləşçilərin mübarizəsində komandamız 13 idmançı ilə iştirak edəcək. Şəfəq Muradzadə (48 kq), Anjela Doroqan, Solmaz Həşimzadə (hər ikisi 53 kq), Nataliya Sinişin, Alyona Kolesnik, Almaz İsmayılova (hamısı 55 kq), Yuliya Ratkeviç (58 kq), İrina Netreba (60 kq), Raqnetta Qurbanzadə, Elmira Qəmbərova (hər ikisi 63 kq), Elis Manolova, Gözəl Zutova (hər ikisi 69 kq) və Səbirə Əliyeva (75 kq) qüvvələrini sınayacaq.
Turnirin son günündə isə yunan-Roma güləşi üzrə 24 pəhləvanımız xalça üzərinə çıxacaq. Heyətdə Taleh Məmmədov, Elman Muxtarov, Murad Məmmədov, Eldəniz Əzizli (hamısı 59 kq), Həsən Əliyev, Kamran Məmmədov, Azad Əliyev, Ruhin Mikayılov (hamısı 66 kq), Rüstəm Əliyev, İlkin Əsgərov (hər ikisi 71 kq), Elvin Mürsəliyev, Əmrah Mazanov, Şəmistan Quluzadə (hamısı 75 kq), Rafiq Hüseynov, Emin Əhmədov (hər ikisi 80 kq), İslam Abbasov, Soltan İsmayılov, Tural Daşdəmirov, Şəhriyar Məmmədov (hamısı 85 kq), Saman Təhmasibi, Orxan Nuriyev, Şalva Qadabadze (hamısı 98 kq), Sabah Şəriəti və Oyan Nəzəriani (hər ikisi 130 kq) yer alacaq.
Qeyd edək ki, məşqçilər heyəti Bakı-2015 Avropa Oyunlarının qalibləri sərbəst güləşçi Xetaq Qazyumov (97 kq), yunan-Roma güləşçisi Rəsul Çunayev (71 kq) və qadın güləşçi Mariya Stadnikə (48 kq) istirahət verməyi qərara alıb.
İlk görüşlər hər gün saat 10:00-da, final qarşılaşmaları saat 17:00-da başlayacaq. Turnirin rəsmi açılış mərasimi noyabrın 27-də saat 17:00-da baş tutacaq. Sayca 8-ci dəfə keçiriləcək yarış "İdman Azərbaycan” kanalı vasitəsilə canlı yayımlanacaq.
Dünya Güləş Birliyinin nümayəndələri, rəsmi qonaqlar və turnir iştirakçıları noyabrın 27-də saat 13:00-da Fəxri Xiyabanda ümummilli lider Heydər Əliyevin əziz xatirəsini yad edəcəklər.
jpg-1735119450.jpg)
