Azərbaycan idmançısı Camal Rəhimov Belçikada atçılığın konkur növü üzrə CSI2* kateqoriyalı "Grote Prijs Salus” beynəlxalq turnirində uğurla çıxış edib. "Excenel V” ləqəbli atla mübarizə aparan idmançımız yarışın ilk günündə 80 çapar arasında 6-cı olub və Rio-2016-ya 25 lisenziya xalı qazanıb. Turnirin ikinci günündə 45 idmançı arasında ikinci olan Camal Rəhimov 45 lisenziya xalına sahib olub. Beləliklə, Belçika turnirində Camal Rəhimov Rio Olimpiadasına 70 lisenziya xalı əldə edib.
