Belçikanın Purs (Antverpen) şəhərində akrobatika gimnastikası üzrə ilin ilk dünya Kuboku keçirilib.
Ölkəmizi bu yarışlarda təmsil edən Aynur Hüseynova, Lalə Hüseynova və Nərmin Ramazanovadan ibarət qadın qrupu finala vəsiqə qazanaraq nəticədə 5-ci yerdə qərar tutub.
Dünya Kuboku ilə parallel olaraq keçirilən "Flanders International Acro Cup” adlı beynəlxalq turnirdə isə Ağasif Rəhimov və Nurcan Cabbarlıdan ibarət qarışıq cütlük fəxri kürsünün ən yüksək pilləsində qərar tutub. Abdulla Əl–Məşayxi və Ruhidil Qurbanlıdan ibarət ikinci cütlüyümüz isə yarışın bürünc medalına sahib olub.
