Kişilər arasında sərbəst hərəkətlər üzrə yarışların final mərhələsində Dünya Kuboku yarışlarının qızıl medalını qazanan 3 qat dünya çempionu Kenzo Sirai ölkəmiz haqqında təəssüratlarını, yarışla, çıxışla bağlı fikirlərini bizimlə bölüşdü.
Azərbaycana ilk dəfə gəldiyini deyən məşhur Yaponuya gimnastı Dünya Kubokunun yüksək səviyyədə təşkilindən razı qaldığını bildirdi. O dedi: "Ölkəniz xoşuma gəlir, burada çox yaxşı insanlar var və hər bir şərait yaradılıb.
Bakıda idman gimnastikası üzrə Dünya Kubokunun təşkili gözlədiyimdəmdən də yüksək səviyyədədir.
Təsnifatda göstərdiyim nəticə indikindən aşağı idi. Təsnifatda çətin element nümayiş etdirdim. Finalda isə onu icra etmədim. Bu səbəbdən daha rahat idim və yüksək nəticə qazanacağıma inanırdım".
Qeyd edək ki, idman gimnastikası üzrə FIG Dünya "Challenge" Kubokuna fevralın 21-də yekun vurulacaq.
