Fransanın Korbey-Esson şəhərində bədii gimnastika üzrə "Souvenir Véronique De Kristoffy” adlı beynəlxalq turnir keçirilib.
"Olimpnews.az” xəbər verir ki, idmançımız Marina Durunda bu yarışda çoxnövçülük, halqa, top, gürzlər və lentlə hərəkətlərdə 5 gümüş medala sahib olub. Təmsilçimiz 6-cı gümüş medalı komanda hesabında Gülsüm Şəfizadə və gənclər proqramı ilə çıxış edən İlahə Məmmədova ilə birlikdə qazanıb. Fərdi çoxnövçülükdə isə G.Şəfizadə və İ.Məmmədova müvafiq olaraq, 11-ci və 8-ci yerlərdə qərarlaşıblar.
Gimnastımız Veronika Qudis isə bu yarışla eyni vaxtda Çexiyada keçirilən gənclər arasında "Tart Cup” beynəlxalq turnirində iplə hərəkətlərdə gümüş medal qazanıb.
