Türkiyənin Mersin şəhərində idman gimnastikası üzrə "Challenge” seriyasına aid FIG Dünya Kuboku keçirilib.
Ölkəmizi kişi idman gimnastikası üzrə yarışlarda Murad Ağarzayev və Daniel Lukas təmsil edib. Böyüklər yaş qrupunda ilk dəfə çıxış edən M.Ağarzayev dəstəli at üzərində finalda 4-cü, sərbəst hərəkətlərdə 5-ci, turnik üzərində 6-cı, dayaqlı tullanmada 7-ci, parallel qollar və halqalar üzərində hərəkətlərdə isə 8-ci nəticəni göstərib.
Yarışlarda iştirak edən digər təmsilçimiz Daniel Lukas isə dayaqlı tullanma üzrə finalda 5-ci yerdə qərarlaşıb.
