Bədii gimnastika üzrə FİG (Beynəlxalq Gimnastika Federasiyası) Dünya kubokunun final yarışında qrup hərəkətləri üzrə ölkəmizi Siyana Vasileva, Ayşən Bayramova, Aleksandra Platonova, Diana Doman və Elif Zeynep Celep təmsil edirlər. Gimnastlar 5 lent, 3 gürz və 2 halqa ilə final mərhələsində qüvvələrini sınayırlar.
"Olimpnews.az” xəbər verir ki, qrup komandamız 5 lentlə hərəkətlərdə hakimlərdən 18.100 xal alaraq Dünya kubokunu 5-ci yerdə başa vurublar.
Yarışların qalibi adını isə 18.500 xalla İsrail komandası qazanıb. Rusiya 18.350 xalla ikinci olub. 18.250 xal qazanan İspaniya qrup komandası isə üçüncü yerə layiq görülüb.
