Oktyabrın 1-də aerobika gimnastikası üzrə 2-ci Azərbaycan birinciliyi və Bakı çempionatına start veriləcək. Heydər Əliyev adına İdman-Konsert Kompleksində keçiriləcək yarışlarda 31 gimnast qüvvəsini sınayacaq.
Aerobika gimnastikası üzrə çempionatda "Ocaq Sport” klubunun nümayəndələri medallar uğrunda mübarizə aparacaqlar. İdmançılar kişilər (gənclər, böyüklər ) və qadınlar (uşaqlar, balacalar, yeniyetmələr, gənclər) fərdi proqramda yarışacaqlar. Bundan başqa qadınlardan ibarət üçlüklər (uşaqlar, balacalar, yeniyetmələr) də bu yarışda mübarizə aparacaqlar.
Xatırladaq ki, aerobika gimnastikası ölkəmizdə 2013-cü ilin sonlarından inkişaf etməyə başlayıb.
