Noyabrın 7-8-də akrobatika gimnastikası üzrə 23-cü Bakı çempionatı, eləcə də batut gimnastikası və tambliq üzrə 14-cü Azərbaycan birinciliyi və Bakı çempionatı keçiriləcək. Yarışlar Milli Gimnastika Arenasında təşkil olunacaq.
Akrobatika gimnastikası üzrə 23-cü Bakı çempionatında Bakı Gimnastika Məktəbi, "Ocaq Sport” Klubu, "Neftçi” idman klubu və Nizami rayonu 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbiinin 50 gimnastı qüvvəsini sınayacaq.
Yarışların ikinci günü isə batut və tamblinqçilərin çıxışları ilə davam edəcək. Müxtəlif yaş kateqoriyasında 30-dan çox batutçu və 20-dən artıq tamblinqçi medallar uğrunda yarışacaq. Bu növdə Bakı Gimnastika Məktəbi və "Ocaq Sport” İdman Klubunun yetirmələri təmsil olunacaqlar.
