Stiven Cerrard karyerasını başa vurdu

Stiven Cerrard karyerasını başa vurdu



"Liverpul” klubunun və İngiltərə yığmasının sabiq futbolçusu Stiven Cerrard karyerasını başa vurub.

Bu barədə 36 yaşlı yarımmüdafiəçi özü açıqlama verib. O, ABŞ-ın "Los Anceles Qalaksi” komandası ilə müqaviləsinin müddəti başa çatan kimi karyerasını başa vuracağını demişdi.

Xatırladaq ki, məhz ingiltərəli futbolçunun böyük əzmkarlığı sayəsində "Liverpul” 2004/2005-ci il UEFA Çempionlar Liqası mövsümünün İstanbulda keçirilən və hesabda 3:0 geri düşdüyü finalı qazanıb.

Qeyd edək ki, 1998-2015-ci illər ərzində "Liverpul”un formasını geyinmiş Cerrard "qırmızılar”ın heyətində ümumilikdə 710 oyunda 186 qol vurub. O, 2000-2014-cü illər ərzində şərəfini qoruduğu İngiltərə yığmasında isə 114 matçda 21 dəfə fərqlənib.