Gimnastika üzrə 5 təmsilçimiz müxtəlif kateqoriyalar üzrə hakimlik dərəcəsinə layiq görülüb.
Onlardan idman gimnastikasında Xəlil Hüseynov, Əhməd Ağayev 3-cü, Uğur Xəlilbəyli və Şakir Şıxaliyev isə 4-cü hakimlik dərəcəsi alıblar. Onlar bu ada Bakıda kişi idman gimnastikası üzrə təşkil edilən beynəlxalq hakimlik kurslarında sahib olublar. Qadın təmsilçimiz İradə Qurbanova isə bədii gimnastika üzrə 4-cü hakimlik dərəcəsini Varşavada keçirilən akrobatika gimnastikası üzrə qitələrarası hakimlik kurslarında alıb.
Məlumat üçün bildirək ki, azərbaycanlı hakim Rza Əliyev kişi idman gimnastikası üzrə ən yüksək, 1-ci dərəcəli beynəlxalq hakimlik kateqoriyasına malikdir. Bu kateqoriyalar hazırkı Olimpiya dövrü (2017-2020-ci illər) ərzində qüvvədə olacaq.
