Bədii gimnastika üzrə 19 nəfər təmsilçimiz bu ilin yanvarında Bakıda təşkil olunan hakimlik kurslarında beynəlxalq dərəcə alıb.
"Olimpnews.az" Azərbaycan Gimnastika Federasiyasına istinadən xəbər verir ki, yanvarın 25-31-də paytaxtımızda keçirilən bədii gimnastika üzrə beynəlxalq hakimlik kurslarında 17 ölkədən təmsilçilər iştirak ediblər.
Seminarda iştirak edən 20 hakimimizdən 19-u imtahanlardan uğurla keçib. Bununla da, Azərbaycan təmsilçiləri Olimpiya dövründə ilk dəfə olaraq maksimal sayla hakimlik kateqoriyasına sahib olublar.
