İtaliyanın Pesaro şəhərində bədii gimnastika üzrə beynəlxalq turnir keçirilib.
Yeniyetmələrdən ibarət qrup hərəkətləri komandamızın üzvləri Güllü Ağalarzadə, Dərya Sorokina, Nərmin Cahangirova, Narın Qurbanova və Fatimə Əkbərova bürünc medal qazanıblar. Qızlarımız 10 gürzlə icra etdikləri kompozisiya ilə yalnız Rusiya və İsrail komandasından geri qalıblar. Böyüklər arasında fərdi proqramda çıxış edən Zöhrə Ağamirova isə təsnifat mərhələsində hər 4 alətdə uğurlu çıxış nümayiş etdirərək finala yüksəlib. İdmançımız halqa ilə çıxışlarda 4-cü nəticə göstərib.
Daha bir bürünc medalı yeniyetmələrdən ibarət kişi idman gimnastlarımız Berlində təşkil edilən beynəlxalq turnirdə qazanıblar. 23 ölkənin iştirak etdiyi yarışda ölkəmizi Ağamurad Qəhrəmanov, Cavidan Babayev, Sergiy Onbış və Səməd Məmmədli təmsil ediblər.
Fərdi yarışlarda gimnastımız Sergiy Onbışın isə paralel qollarda gözəl oyun nümayiş etdirərərk qızıl medala yiyələnib. Dayaqlı tullanmada isə o, bürünc medal əldə edib.
