Aprelin 19-23-də Rumıniyanın Kluj şəhərində idman gimnastikası üzrə Avropa çempionatı keçirilib.
Bu çempionatda ölkəmizi kişi idman gimnastikası üzrə yarışlarda iki nəfər gimnastımız təmsil edib. İlk dəfə bu qəbildən olan yarışlarda iştirak edən Murad Ağarzayev və Bense Talas çoxnövçülükdə müvafiq olaraq 41 və 48ci yerlərdə qərarlaşıblar.
Qadın idman gimnastika yarışlarında komandamızın lideri Marina Nekrasova zədəli olduğu üçün yarışlarda çıxış etməyib. Digər gimnastlarımız Yuliya İnşına və Yekaterina Tişkova isə çoxnövçülükdə müvafiq olaraq 52 və 55-ci yerlə kifayətləniblər.
Bu çempionat ölkəmiz üçün önəmli məqamı ilə yadda qalıb. Belə ki, ilk dəfə olaraq Avropa Çempionatı kimi irimiqyaslı yarışda xalların hesablanması və video-nəzarət sistemi məhz Azərbaycanın innovativ brendi "SmartScoring” tərəfindən həyata keçirilib.
