Polşanın Varşava şəhərində keçirilən yeniyetmələr arasında sumo üzrə Avropa birinciliyinə yekun vurulub.
Olimpnews.az saytının məlumatına görə, yarışda iştirak edən gənc sumoçularımız Varşavada komanda hesabında üçüncü yeri tutublar. Cəmi 3 idmançı ilə təmsil olunan yığma komandamız 3 qızıl və 1 gümüş medala layiq görülüb. Təmsilçilərimizdən Məhərrəm Eyvazov (60 kq), Səftər Məmmədli (85 kq), Camal Feyziyev (+100 kq) bütün rəqiblərə qalib qələrək fəxri kürsünün ən yüksək pilləsinə qalxıblar. Mütləq çəki dərəcəsində qüvvəsini sınayan Camal Feyziyev yalnız final görüşündə məqlub olaraq ikinci yeri tutub.