Lənkəranda 20 Yanvar şəhidlərinin xatirəsinə həsr olunmuş idman yarışları başa çatıb. Sonuncu yarış taekvondo və boksçular arasında keçirilib. Rayon birinciliyində taekvondoçular üç yaş qrupunda mübarizə aparıblar. 2004-2006, 2007-2008 və 2009-2010-cu illər təvəllüdlü uşaqlar arasında keçirilən yarışda, ümumilikdə, 150-dən çox idmançı iştirak edib. Boksçuların yarışında isə 2005-2006-cı illər təvəllüdlü 56 yeniyetmə idmançı gücünü sınayıb. Rayon birinciliyinin qalibləri diplom, medal və hədiyyələrlə mükafatlandırılıblar.