Beynəlxalq Cüdo Federasiyası növbəti reytinq cədvəlini açıqlayıb.Təmsilçilərimizdən yalnız Ramilə Yusubovanın (63 kq) mövqeyində dəyişiklik olub. Belə ki, cüdoçumuz son siyahı ilə müqayisədə bir pillə geriləyərək 38-ci yerdə qərarlaşıb. Digər idmançılarımızın mövqeyində isə heç bir dəyişiklik olmayıb. İlqar Müşkiyev (60 kq) 25-ci, Nicat Şıxəlizadə 9-cu, Tərlan Kərimov (hər ikisi 66 kq) 26-cı, Rüstəm Orucov (73 kq) 10-cu, Tural Səfquliyev 24-cü yerdə qərarlaşıb. Pekin-2008 Yay Olimpiya Oyunlarının qızıl mükafatçısı Elnur Məmmədli (81 kq) 32-ci, Şahin Qəhrəmanov (90 kq) 11-ci, Elxan Məmmədov 2-ci, Elmar Qasımov (hər ikisi 100 kq) 6-cı və Kifayət Qasımova (57 kq) öz mövqeyində qalıb. Məlumat üçün qeyd edək ki, bu idman növündə olimpiadaya lisenziya reytinq cədvəlinə əsasən verilir.
