Cüdo üzrə Azərbaycan milli komandası Belarusun paytaxtı Minskdə keçirilən II Avropa Oyunlarında çıxışını başa vurub. Yığmamız bu idman növü üzrə yarışların son günündə qarışıq komandaların mübarizəsində yarışıb. 16 komandanın qüvvəsini sınadığı yarışda çıxış edən Azərbaycan millisi 1/8 finalda tatami üzərinə çıxıb. Komandamız ilk matçında Fransa ilə üz-üzə gəlib.
Qarşılaşma fransalı cüdoçuların qələbəsi ilə başa çatıb – 4:0. Bu məğlubiyyətlə yığmamız Avropa Oyunlarındakı çıxışı başa vurub.
