Qızıl medalın bir addımlığında uduzmaq çox ağırdır. Bunu yalnız finalda uduzan idmançılar yaxşı başa düşər. Həlledici görüşdə məğlub olduğum üçün çox məyus olmuşam.
Bu sözləri "olimpiyadunyasi.com" saytına açıqlamasında Bakı-2019-un cüdo yarışlarının gümüş mukafatçısı Vüqar Talıbov (73 kq) deyib.
"Yarışda yalnız qızıl medal qazanmaq istəyirdim. Lakin finalda ani bir səhv məni qızıl medaldan məhrum etdi. Demək olmaz ki, məqsədimə nail oldum. Çünki doğma azarkeşlər önündə həlledici görüşdə məğlub olmaq idmançıya pis təsir edir. Finaldakı italiyalı rəqibim çox yaxşı mübarizə aparırdı. Çox heyif ki, məğlub oldum. Çalışacağam ki, gələcək yarışlarda səhvlərimi aradan qaldırım və ölkəmizə qızıl medallar qazandırım", - deyə Vüqar Talıbov bildirib.
