Avqustun 28-də UEFA Çempionlar Liqasında son üç cavab matçı oynanılacaq. Pley-off mərhələsinin ikinci oyun günündə səfərdə 1:0 hesabı ilə qalib gələn "Slaviya Praqa” (Çexiya) doğma azarkeşlər önündə "ÇFR Kluj” (Rumıniya) komandasını qəbul edəcək. Hollandiyada APOEL (Kipr) "Ayaks” komandasının qonağı olacaq. Komandaların Kiprdə baş tutan görüşü qolsuz heç-heçə ilə başa çatıb.Günün üçüncü qarşılaşması Belçikada oynanılacaq. "Brügge” Avstriyanın LASK kollektivini qəbul edəcək. İlk görüş belçikalıların 1:0 hesablı qələbəsi ilə yekunlaşıb.
Qeyd edək ki, mərhələnin ilk oyun günündə "Srvena Zvezda”, "Olimpiakos” və "Dinamo Zaqreb” qrup mərhələsinə vəsiqə qazanıblar.
Qitənin ən nüfuzlu klub turnirinin püşkatma mərasimi avqustun 29-da Monakoda keçiriləcək.
