"Avro–2020”nin seçmə mərhələsi çərçivəsində keçirilən İspaniya - Farer Adaları (4:0) oyunu ispanların müdafiəçisi Serxio Ramos üçün əlamətdar olub.
Millinin kapitanı İspaniyayığmasınınheyətində keçirdiyi oyunların sayını İker Kasilyasın göstəricisi ilə bərabərləşdirib. Belə ki, S.Ramos milli komandanın heyətində 167-ci dəfə meydana çıxıb. Həmçinin 33 yaşlı futbolçu görüşün 29-cu dəqiqəsində 11 metrlik cərimə zərbəsini dəqiq yerinə yetirərək İspaniya millisinin heyətində 21-ci qolunu vurub. Bu göstəriciyə görə o,millinin tarixində 9-cu yerə yüksəlib.
Qeyd edək ki, Avropa komandaları arasında millidə ən çox oyun keçirən futbolçu İtaliya yığmasının qapıçısı Canluici Buffondur (176).
