İspaniyada futbol matçlarını tamaşaçısız keçirilə bilər

İspaniyada futbol matçlarını tamaşaçısız keçirilə bilər

İspaniya La Liqası koronavirusun yayılmasının əleyhinə rəsmi qərarı gözləyir. Koronavirusun qarşısının alınması ilə bağlı İspaniyanın Səhiyyə naziri Salvador İlla tərəfindən təklif edilən tədbirlər paketinə, həmçinin La Liqanın matçlarının bağlı qapılar arxasında, yəni boş tribunalarla keçirmək daxildir.

Bununla əlaqədar, bazar günü Yunanıstan koronavirus epidemiyasına qarşı mübarizə aparmaq məqsədilə iki həftə ərzində bütün idman tədbirlərinin bağlı qapılar arxasında keçiriləcəyi barədə qərar qəbul edib.

İtaliya Olimpiya Komitəsi (CONI) daha sərt addım ataraq hökuməti bütün növ yarışların aprelin 3-dək dayandırılması barədə fərman imzalamağa çağırıb.

İspaniyada koronavirusa 1200 yeni yoluxma halı qeydə alınıb, 28 nəfər bu xəstəliyin qurbanına çevrilib.