Avropa Liqası çərçivəsində daha üç oyun keçirilib. “Volfsburq” Ukrayna təmsilçisi “Şaxtyor”u qəbul edib. Qonaqlar oyuna kəsərli hücumlarala başlayıblar. Bunun məntiqi nəticəsi olaraq 17-ci dəqiqədə Moraes komadasının ilk qolunu vurub. İlk hissədə başqa qol olmayıb. Fasilədən sonra meydan sahibləri bərabərlik qolunu vurmağa nail olublar. Bruks 48-ci dəqiqədə topu qonaqların qapısından keçirib. Bu qoldan sonra da
ruhdan düşməyən Donetsk təmsilçisi qələbə qolunu vura bilib. Antonio 73-cü dəqiqədə vurduğu qolla “mədənçiləri” sevindirib.