Mayın 17-də Almaniya Bundesliqasında XXVI turu çərçivəsində daha iki matç keçirilib. Olimpiyadunyasi.com saytı xəbər verir ki, günün ilk matçında “Köln” “Maynts” la üz-üzə gəlib. Meydan sahibləri iki topa fərqilə irəlidə olmasına baxmayaraq, qonaqlar hesabı bərabərləşdirə biliblər. 90 dəqiqənin tamamında matçda tərəflər 1 xalla kifayətləniblər.
Günün növbəti görüşündə Bundesliqanın lideri “Bavariya” Berlində “Union”un qonağı olub. Matçda qonaqlar hesabı Robert Levandovskinin vurduğu onbirmetrlik cərimə zərbəsi ilə açıblar. Fasiləyə bu hesabla yollanan son çempion əsas vaxtın sonlarında yenidən fərqlənib. Fransalı Benjamin Pavardın vurduğu qoldan sonra hesab dəyişməyib. Qeyd edək ki, tura sabah "Verder" - "Bayer" matçı ilə yekun vurulacaq.
Almaniya Bundesliqası
XXVI tur
17 may
17:30. “Köln” – “Maynts” – 2:2
Uth, 6 (pen.), Kayns, 53 – Avoniyi, 61, Kunde, 72
20:00. “Union” – “Bavariya” – 0:2
Levandovski, 40 (pen.), Pavar, 81
