"Barselona"nın yarımmüdafiəçisi Filippe Koutinyu karyerasını İngiltərədə davam etdirə bilər.
Koutinyu "Mançester Yunayted"in maraq dairəsindədi. "Qırmızı şeytanlar"ın yaxın günlərdə təklif göndərəcəyi gözlənilir.
"Mançester Yunayted"lə yanaşı, digər ingilis klubları - "Çelsi", "Tottenhem" və "Liverpul" da braziliyalı futbolçu ətrafındakı situasiyanı yaxından izləyirlər.
Koutinyu 2019-cu ilin yayında 8,5 milyon avro icarə haqqı qarşılığında "Bavariya"ya keçmişdi. Cari mövsümdə Bundesliqada 22 matçda meydana çıxan 27 yaşlı oyunçunun aktivində 8 qol, 6 məhsuldar ötürmə var.
Koutinyunun "Barselona" ilə olan müqaviləsi 2023-cü ilin yayında başa çatır. "Bavariya" 120 milyon avro ödəyərək onun transfer hüquqlarını ələ keçirə bilər.
