Rusiyanın "Spartak" klubunun sahibi Leonid Fedun yenidən vəzifəsinə qayıtdığını bildirib. Bir müddət əvvəl onun koronavirus xəsətliyindən əziyyət çekdiyi barədə məlumat verilmişdi. L.Fedun Tarasovkada yerləşən bazada idmançıları ziyarət edib və məşq prosesində iştirak edib.
"Komanda iştirakçılarına və azarkeşlərə çətin dövrdə mənə dəstək olduqları üçün bir daha təşəkkürümü bildirirəm. Xəstəxanada olduğum müddətdə həddindən artıq dəstək ismarıcı aldım. Bu, həqiqətən də çox xoş idi. Xəstəlik geridə qalıb və mən yeni qüvvə ilə işə başlayıram. Birlikdə klubu yeni qələbələrə doğru aparacağıq", - deyə L.Fedun bildirib.
Məşqdən sonra Leonid Fedun məşqçi heyəti və baş direktor Tomas Sorn ilə bəzi məsələləri müzakirə edib.