"Alpha Tauri" komandasının rusiyalı pilotu Danil Kvyat Böyük Britaniyanın Formula 1 Qran-prisi çərçivəsində törətdiyi qəzanın səbəblərini açıqlayıb. O, bu barədə şəxsi instagram hesabında qeyd edib.
İdmançının sözlərinə görə, onun yoldan çıxmasına səbəb təkərin deşilməsi olub. Pilot qeyd edib ki, nasazlıq onu finişə çatmasından məhrum etməzdən əvvəl yarış çox yaxşı keçirdi.
Qeyd edək ki, rusiyalı bolid yarışın 13-cü dairəsində qəzaya düşüb. Beləliklə, D.Kvyat vaxtından əvvəl mübarizəni dayandırmaq məcburiyyətində qalıb. Bolidi yoldan çıxan zaman pilot 12-ci pillədə qərarlaşmışdı. Danil Kvyat qəzada xəsarət almayıb və nəqliyyat vasitəsini kənar yardım olmadan tərk edib.
