Boks üzrə superağır çəkidə keçmiş dünya çempionu Mayk Tayson müasir dövrün ən yaxşı boksçularının adlarını açıqlayıb. Əfsanəvi boksçu ukraynalı Vasili Lomaçenkonu, amerikalı Devin Heyn, Şakur Stivenson, Cervont Devis, Erol Spens və Rayan Qarsiyanı ən yaxşıların siyahısına əlavə edib. Onun fikrincə, sadaladığı boksçuların qarşılaşmaları marağa səbəb olur.
Xatırladaq ki, M.Tayson aprel ayında xeyriyyə turnirlərində çıxış etmək istəyini bildirmişdi. O, hətta zaldan videolar paylaşaraq, məşqlərə başladığını qeyd etmişdi. Noyabrın 28-də idmançının kiçik Roy Cons ilə sərgi qarşılaşması keçirməsi gözlənilir.
Qeyd edək ki, Mayk Tayson 2005-ci ildən rinqə çıxmır. Boksçu keçirdiyi 58 döyüşdən 50-i qələbə ilə başa vurub. O,döyüşlərdən 44-də rəqibini nakautla zərərsizləşdirib. Həmçinin M.Tayson tarixdə ağır çəkidə dünya çempionu olmuş ən gənc boksçudur.
Mayk Tayson ən yaxşıların siyahısını açıqladı
