jpg-1600946623.jpg)
Ötən gün UEFA Çempionlar Liqasında pley-off mərhələsinin ilk matçlarından daha 3-ü keçirilib. III təsnifat mərhələsində Azərbaycan çempionu "Qarabağ"ı penaltilər seriyası ilə mübarizədən kənarlaşdıran Norveçin "Molde" klubu Macarıstanın "Ferentsvaroş" komandasını qəbul edib. Görüş məhsuldar heç-heçə ilə yekunlaşıb.
Gözlənilmədən pley-offa vəsiqə qazanan Kiprin "Omoniya" klubu Yunanıstanda "Olimpiakos"un qonağı olub. Bu oyundan meydan sahibləri qalib ayrılıb. Belçika təmsilçisi "Gent" isə Ukraynanın "Dinamo" (Kiyev) komandasını qəbul edib. Görüş qonaqların qələbəsi ilə bitib - 2:1. Üstəlik, meydan sahibləri matçı azlıqda başa vurublar.
23 sentyabr
UEFA Çempionlar Liqası, pley-off mərhələsi
İlk oyunlar
23:00. “Olimpiakos” (Yunanıstan) - “Omoniya” (Kipr) - 1:0
Qol: Matyö Valbuena, 69 (pen.)
23:00. “Molde” (Norveç) - “Ferensvaroş” (Macarıstan) - 3:3
Qollar: Leke Ceyms, 55. Maqnus Volff Eykrem, 65. Martin Ellinqsen, 83 - Frank Boli, 7. Mürto Uzuni, 52
23:00. “Gent” (Belçika) - “Dinamo” (Kiyev, Ukrayna) - 1:2
Qollar: Tim Klyayndinst, 41 - Vladislav Supryaqa, 9. Karlos De Pena, 79
Qırmızı vərəqə: Roman Bezus, 53 ("Gent")
Bu qarşılaşmaların cavab görüşləri sentyabrın 29-da gerçəkləşəcək.
Qeyd edək ki, ilk oyun günündə "Krasnodar" Rusiyada Yunanıstan PAOK-unu, Avstriya "Zaltsburq"u İsrailin paytaxtı Təl-Əvivdə "Makkabi"ni 2:1 hesabı ilə yenib. "Slaviya" isə Çexiyanın paytaxtı Praqada Danimarka "Midtüllann"ı ilə qolsuz heç-heçə edib.
