Bu gün futbol üzrə Azərbaycan Premyer Liqasında IX tura start verilib. Günün ilk oyununda "Keşlə" öz meydanında “Qəbələ”ni qəbul edib. “ASK Arena” stadionunda keçirilən görüş meydan sahiblərinin 3:1 hesablı qələbəsi ilə başa çatıb. Oyunda hesab 13-cü dəqiqədə açılıb. “Qəbələ”nin oyunçusu Nikolas Rajsel fərqlənib. Görüşün 41-ci dəqiqəsində “Keşlə” hesaba tarazlıq gətirib. Sezar Meza Koli adını tabloya yazdırıb. Oyunun 74-cü dəqiqəsində “Keşlə” hesabda önə keçib. Asif Məmmədov avtoqola imza atıb. Qarşılaşmada son nöqtəni 90-cı dəqiqədə “Keşlə”nin oyunçusu Silvio qoyub. Beləliklə, “Keşlə” qələbə qazanaraq turnir cədvəlində 5-ci yerini qoruyub saxlayıb. “Qəbələ” isə 8 xalla 6-cı yerdə qərarlaşıb.
Komandalar indiyədək çempionatda 48 dəfə üz-üzə gəliblər. Bunların 13-də “qırmızı-qaralar”, 17-də isə meydan sahibləri qələbə qazanıb. 18 görüş heç-heçə bitib. Topların fərqində də paytaxt təmsilçisinin üstünlüyü var - 62:47.
Günün digər matçında isə “Sumqayıt” klubu “Səbail” komandasının qonağı olub. Qarşılaşma paytaxt təmsilçisinin 2:1 hesablı qələbəsi ilə yekunlaşıb. “Səbail”in heyətində Rauf Əliyev 42, Adil Nağıyev isə 77-ci dəqiqədə fərqlənib. “Gənclik şəhəri” təmsilçisində Rəhim Sadıxov 84-cü dəqiqədə penaltini dəqiq yerinə yetirib.
Bu nəticədən sonra bir oyun az keçirən və xallarının sayını 9-da çatdıran “Səbail” 6-cı pilləyə yüksəlib. “Sumqayıt” isə hələ ki, 15 xalla liderdir.
jpeg-1757966007.jpeg)
jpeg-1757966029.jpeg)
jpeg-1757964831.jpeg)
jpeg-1757964030.jpeg)
jpeg-1757612849.jpeg)
