Bu gün futbol üzrə Azərbaycan Premyer Liqasında XIII turun oyunları keçiriləcək. Qış fasiləsi öncəsi sonuncu turun bütün qarşılaşmaları eyni gündə təşkil olunacaq. 20 xalla 2-3-cü yerləri bölüşən "Qarabağ" və "Zirə" "Azersun Arena"da münasibətlərinə aydınlıq gətirəcəklər. İndiyədək çempionatda 20 dəfə üz-üzə gəlmiş komandaların duelində Ağdam təmsilçisi 14 qələbə qazanıb.
XII turdan 10 xal toplayan və sonuncu pillədə qərarlaşan "Sabah" bu tur 16 xalla 4-cü pillədə yer alan "Sumqayıt"ın qonağı olacaq. Ötən tur qələbə sayəsində xallarını 13-ə çatdıraraq, 5-ci sıraya yüksələn "Səbail" "Qəbələ"ni qəbul edəcək. Hazırda əyalət təmsilçisi 12 xalla 7-ci pillədə yer alır. Tura paytaxt derbisi ilə yekun vurulacaq. 21 xalla turnir cədvəlinə başçılıq edən "Neftçi" "Bakcell Arena"da "Keşlə" ilə qarşılaşacaq. "Ağ-qaralar" rəqibini məğlub edərək, fasiləyə qış çempionu kimi yollanmağa çalışacaq.
24 dekabr (cümə axşamı)
Azərbaycan Premyer Liqası, XIII tur
16:00. “Səbail” – “Qəbələ” (canlı/pfl.az) Hakimlər: Əliyar Ağayev, Akif Əmirəli, Cavanşir Yusifov, Rövşən Rəcəbov Hakim-inspektor: Ramil Diniyev
AFFA nümayəndəsi: Erkin Hüseynov “ASCO Arena”
16:00. “Sumqayıt” –“ Sabah” Hakimlər: İnqilab Məmmədov, Pərvin Talıbov, Rahil Ramazanov, Rauf Allahverdiyev Hakim-inspektor: Babək Quliyev AFFA nümayəndəsi: İlham Əliyev “Kapital Bank Arena”
16:00. “Qarabağ” – “Zirə” (canlı/“CBC Sport“) Hakimlər: Rəhim Həsənov, Namiq Hüseynov, Cəmil Quliyev, Tural Qurbanov Hakim-inspektor: İmanxan Sultani AFFA nümayəndəsi: Elgiz Abbasov “Azersun Arena”
18:00. “Neftçi” – “Keşlə” (canlı/“CBC Sport“) Hakimlər: Elçin Məsiyev, Elşad Abdullayev, Kamran Bayramov, Rəşad Əhmədov Hakim-inspektor: Asim Xudiyev AFFA nümayəndəsi: Maşallah Əhmədov “Bakcell Arena”