Türkiyənin "Fənərbağça" klubunu yeni mövsümdə almaniyalı mütəxəssis Yoahim Löv çalışdıracaq. İstanbul təmsilçisi bu barədə Y.Lövlə razılığa gəlib. Klub prezienti Ali Koçla şəxsən görüşən mütəxəsis təklifi qəbul edib. "Sarı-lacivərdlilər" sabiq baş məşqçisinə illik 5 milyon avro məvacib ödəyəcək. Y.Löv 2022/2023 mövsümündən Superliqa təmsilçisinə başçılıq edəcək.
Qeyd edək ki, Yoahim Löv 1998 - 1999-cu illərdə də "Fənərbağça"nın sükanı arxasında olub. Təcrübəli mütəxəssis 2006 - 2021-ci illərdə rəhbərlik etdiyi Almaniya millisinə 2014-cü ildə dünya çempionluğunu qazandırıb. Türkiyə təmsilçisi isə bu yaxınlarda portuqaliyalı baş məşqçi Vitor Pereyranı istefaya göndərib. Onu mövsümün sonunadək İsmayıl Kartal əvəzləyib.
İstanbul təmsilçisi Yoahim Lövlə razılığa gəldi