AFFA Hakimlər Komitəsinə türkiyəli sədr təyin olunub

15:57 15.07.2022
495

AFFA Hakimlər Komitəsinə yeni sədr təyin olunub.

"Olimpnews"un məlumatına görə, bu barədə qərar milli assosiasiyanın İcraiyyə Komitəsinin onlayn iclasında qəbul olunub.

Qərara əsasən, türkiyəli mütəxəssis Barış Şimşeklə 2 il müddətinə müqavilə bağlanılıb. O, yeni vəzifədə avstriyalı Frits Ştuxliki əvəzləyib.

Qeyd edək ki, 9 aprel 1976-cı ildə anadan olmuş Barış Şimşek 1993 - 2000-ci illərdə Trabzondakı Qaradəniz Texniki Universitetində “Mülki inşaat”, 2001-2004-cü illərdə isə həmin universitetdə “Biznesin idarə olunması” (Masters Degree) ixtisasları üzrə ali təhsil alıb.

2006 - 2009-cu illər ərzində Türkiyə Futbol Federasiyasının (TFF) Trabzon üzrə regional hakimi, 2006-2019-cu illər dövründə TFF-nin elit hakimi, 2013-2015-ci illər aralığında FIFA referisi kimi fəaliyyət göstərib.

Türkiyə Premyer Liqasında 200-dən, beynəlxalq turnirlərdə isə 100-dən artıq oyunda hakimlik edib. Xüsusilə, UEFA Çempionlar Liqası, UEFA Avropa Liqası və UEFA Avropa çempionatının oyunlarına təyinat alıb (baş hakim, baş hakimin əlavə köməkçisi, 4-cü hakim).

2019-cu ildən etibarən TFF-nin Hakim İşləri Müdirliyinə rəhbər və TFF-nin VAR layihəsinə koordinator təyin olunub.

Beynəlxalq təyinatları (baş hakimin əlavə köməkçisi)

2013 – Aralıq dənizi oyunları, Mersin

2014 – UEFA Avropa Liqası, yarımfinal. Lissabon

2015 – UEFA Çempionlar Liqası, final. Berlin

2016 – Avropa çempionatı, final mərhələsi. Fransa

2016 – UEFA Çempionlar Liqası, yarımfinal. Mançester

2016 – UEFA Çempionlar Liqası, yarımfinal. Madrid

2017 – UEFA Çempionlar Liqası, yarımfinal. Madrid

Kurslar

2012 – UEFA-nın hakimliyə giriş kursu. Nyon. Referi

2013 – UEFA-nın yeni beynəlxalq hakimlər kursu. Roma. Referi