Ukrayna Futbol Assosiasiyasının (UAF) İcraiyyə Komitəsi İran millisinin dünya çempionatından kənarlaşdırılmasını istəyir. Qurum Asiya təmsilçisinin mundialda iştirakına qadağa qoyulması xahişi ilə FIFA-ya müraciət edib.
UAF iddia edir ki, İran Rusiyaya hərbi yardım edir, həmçinin, ali futbol qurumunun nizamnaməsinin təşkilat üzvlərini insan hüquqlarına hörmətlə yanaşmağa və ayrı-seçkiliyə qarşı mübarizə aparmağa məcbur edən 3 və 4-cü maddələrini pozur.
Daha əvvəl "Open Stadiums" qadın hüquq müdafiə təşkilatı İran millisinin DÇ-2022-yə buraxılmaması üçün FIFA-ya müraciət ünvanlayıb.
Qeyd edək ki, dünya çempionatı bu il noyabrın 20-dən dekabrın 18-dək Qətərdə keçiriləcək. İran yığması İngiltərə, ABŞ və Uelslə bir qrupda mübarizə aparacaq.
Ukraynadan İran millisi ilə bağlı FIFA-ya müraciət
![Ukraynadan İran millisi ilə bağlı FIFA-ya müraciət](https://olimpnews.az/uploads/img/posts/2022/11/01/FiFAjpg-1667290462.jpg)