Mançini yığma üçün seçimini açıqladı

UEFA Millətlər Liqasının «Dördlər finalı»ında çıxış edəcək İtaliya millisinin heyəti açıqlanıb. Baş məşqçi Roberto Mançini heyətə aşağıdakı futbolçuları daxil edib.

Qapıçılar: Canluici Donnarumma (PSJ), Aleks Meret ("Napoli"), Gilyelmo Vikario ("Empoli").

Müdafiəçilər: Françesko Açerbi, Alessandro Bastoni, Matteo Darmian, Federiko Dimarko (hamısı - "İnter"), Leonardo Bonuççi ("Yuventus"), Covanni Di Lorenzo ("Napoli"), Leonardo Spinatsola ("Roma"), Rafail Toloy ("Atalanta").

Yarımmüdafiəçilər: Nikolo Barella ("İnter"), Brayan Kristante ("Roma"), Davide Frattezi ("Sassuolo"), Jorjinyo ("Arsenal"), Lorenso Pelleqrini ("Roma"), Marko Verratti (PSJ), Nikolo Zaniolo ("Qalatasaray").

Hücumçular: Federiko Kyeza ("Yuventus"), Vilfrid Nyonto ("Lids"), Çiro İmmobile ("Latsio"), Cakomo Raspadori ("Napoli"), Mateo Reteqi ("Tiqre").

Məlumat üçün bildirək ki, «Dördlər finalı» iyunun 15-də keçirilcək. Yarım finalda İtaliya İspaniyanı, Xorvatiya isə Niderlandı sınağa çəkəcək.