Xəyal adasında (Dreamland) keçirilən qolf üzrə Zəfər turnirinə yekun vurulub. Gənclər və İdman Nazirliyi və Azərbaycan Qolf Federasiyasının təşkilatçılığı ilə baş tutan yarışın A kateqoriyasında Rəcəb Tural qızıl, Villiam Blankard gümüş, Elman Rzayev bürünc medal qazanıblar. B kateqoriyasında isə Regina Bədəlbəyova qızıl, Villie Qarden gümüş, Kallum Stevart isə bürünc medala layiq görülüblər.
