Kişi həndbolçulardan ibarət "Kür" klubu Avropa Kubokunda II mərhələnin cavab oyununa çıxıb.
Azərbaycan təmsilçisi Mingəçevir şəhərində yerləşən "Kür" Olimpiya İdman Kompleksində Xorvatiyanın “Sesvete" komandasını qəbul edib.
Matç rəqibin 34:24 hesablı qələbəsi ilə yekunlaşıb.
Xatırladaq ki, bir həftə əvvəl Xorvatiyada təşkil olunan ilk görüşdə rəqib 30:15 hesabı ilə qalib gəlmişdi. Beləliklə, "Sesvete" iki oyunun nəticəsinə əsasən növbəti raunda vəsiqə qazanıb.
