Bu gün futbol üzrə Azərbaycan Premyer Liqasında XIV turun oyunlarına yekun vurulacaq. Sonuncu oyun günündə daha iki qarşılaşma təşkil olunacaq.
Günün ilk oyununda meydana əvvəlcə “Neftçi” və “Araz-Naxçıvan” komandaları çıxacaq. Turnir cədvəlinin qonşu pillələrində qərarlaşan komandaların mübarizəsinə saat 15:30-da “Neftçi Arena”da start veriləcək.
Turun son oyunu isə Sumqayıtda təşkil olunacaq. “Kapital Bank Arena”da şəhərin eyniadlı komandası “Zirə” ilə üz-üzə gələcək. Rəşad Sadıqovun komandası oyunda qələbə qazanacağı təqdirdə yenidən “Qarabağı” bir xal qabaqlayaraq liderliyi ələ keçirəcək.