“Barselona” minimal hesablı qələbə ilə üçüncü sıraya yüksəldi

Futbol üzrə İspaniya La Liqasında XV turun oyunları davam edir. Turun mərkəzi oyununda “Barselona” və “Atletiko” komandaları üz-üzə gəlib. Oyun Kataloniya təmsilçisinin minimal hesablı qələbəsi ilə başa çatıb 1:0. Matçda vurulan yeganə qolun müəllifi Joa Feliks olub. O, 28-ci dəqiqədə dəqiq zərbə ilə komandasına qələbə qazandıran qolu vurub. Xavi Hernandesin komandası bu qələbədən sonra xallarının sayını 34-ə çatdıraraq üçüncü pilləyə yüksəlib. “Barselona”dan üç xal geri qalan "Atletiko" isə 4-cüdür. Turnir cədvəlinə 38 xalla “Real” komandası başçılıq edir.