Yanvarın 17-də Azərbaycan Basketbol Liqasında (ABL) 11-ci turun iki oyunu keçirilib.
Azərbaycan Basketbol Federasiyasından verilən məlumata görə, "Sərhədçi" İdman Mərkəzində təşkil olunan turun açılış oyununda "Sərhədçi" və "Şəki" komandaları üz-üzə gəlib. Bu görüşdə "Sərhədçi" 112:82 hesablı rahat qələbə qazanıb.
Günün ikinci oyununda liderlər qrupunda qərarlaşmış "Neftçi", "Cəlilabad" klubu ilə qarşılaşıb. Gərgin oyunun yekununda 72:63 hesabı ilə sevinən tərəf "Neftçi" olub.
